Seguimos traballando para un mellor aproveitamento das instalacións municipais e por facelas accesibles para toda a veciñanza. Nas pasadas semanas habilitamos un espazo de traballo compartido en San Román de Cervantes para que poidan empregar as persoas que teletraballan e tamén as que queiran prestar os seus servizos á poboación de Cervantes algúns días á semana.
Este é o primeiro espazo de coworking público nos Ancares. 
Está equipado con mesas, cadeiras, calefacción, wifi, baños e unhas pantallas para que se ves co teu portátil, poidas conectalas e traballar comodamente.
As persoas que queiran empregar este espazo, poden poñerse en contacto co Concello de Cervantes no teléfono 982 36 49 04.
Ademais tamén temos unha sala de reunións e diferentes espazos para poder facer charlas e formacións, con proxectores e pantallas.
