En Cervantes estamos de noraboa co nacemento de Argalleiras, Asociación de Mulleres Rurais da Montaña, unha entidade que vén para sumar esforzos, dar voz e fortalecer o papel das mulleres no noso territorio. A súa creación responde á vontade de loitar por un rural vivo, pero tamén de facelo con perspectiva de xénero, lembrando que aínda queda moito camiño por percorrer.
Desde o Concello felicitamos a Argalleiras polo seu nacemento e pola valentía de dar este paso, ao tempo que agradecemos tamén a todas as asociacións que, día a día, manteñen vivo o noso municipio. O labor desinteresado e incansable das persoas que forman parte delas é fundamental para dinamizar Cervantes, crear comunidade e abrir camiños de futuro.
O espírito asociativo é un dos sinais de identidade da Montaña, e iniciativas como esta son a mellor mostra de que seguimos a apostar pola unión, pola igualdade e polo compromiso co noso territorio.
Podes le a nova que apareceu no xornal El Progreso, aquí.
