O tenente de alcalde de Cervantes, Miguel González, explicou á veciñanza neste vídeo os pasos que se están dando desde o Concello de Cervantes pola vía institucional para esixirlle ao SERGAS que cubra as prazas vacantes do centro médico de San Román e do consultorio de Doiras.
Despois do vídeo, deixamos tamén publicadas as solicitudes urxentes de cobertura das prazas vacantes que foron remitidas desde o Concello á Xerencia da Área Sanitaria, á Consellería de Sanidade da Xunta de Galicia e ao Ministerio de Sanidade do Gobierno de España. Neste caso de máximo interese para o futuro de Cervantes e para a calidade de vida de todas as persoas que vivimos aquí, consideramos que a labor do noso equipo de goberno é deixar as cores políticas a un lado para apretar e traballar con todas as institucións para recuperar o dereito a unha sanidade digna.
Desde este equipo de goberno do Concello de Cervantes imos movernos e traballar ata conseguir un servizo sanitario digno en Cervantes. Nin máis nin menos. A sanidade que merecemos!
