O 112 Galicia vén de emitir unha alerta de nivel vermello para a montaña de Lugo debido ás altas temperaturas previstas para hoxe. Esta situación afecta directamente ao noso concello, recomendamos á veciñanza tomar as medidas de prevención oportunas para coidar da nosa saúde e tamén do noso entorno natural.
As temperaturas extremas supoñen un risco especialmente elevado para persoas maiores, nenos e persoas con problemas de saúde, pero tamén poden afectar a calquera veciño ou veciña. Por iso, recomendamos seguir estas pautas básicas:
- Beber auga con frecuencia, aínda que non se teña sede.
- Evitar actividades físicas ao sol nas horas de máis calor.
- Usar roupa lixeira, gorra ou sombreiro e gafas de sol.
- Buscar espazos frescos e ventilados.
- Se notas mareos, fatiga ou dor de cabeza, busca sombra, refréscate e pide axuda se é necesario.
Risco de incendios: máxima precaución
A ola de calor trae consigo tamén un risco moi alto de incendios forestais, debido á combinación da calor extrema coa baixa humidade. É fundamental que toda a cidadanía colabore para evitar situacións perigosas:
- Non prendas lume baixo ningún concepto.
- Non uses maquinaria ou ferramentas que poida facer chispas.
- Evita calquera actividade que poida provocar un incendio accidental.
- Se ves fume ou lume, chama de inmediato ao 085 ou ao 112.
A prevención é responsabilidade de todas e todos, e cada pequeno xesto conta para protexer os nosos montes, as nosas casas e a nosa saude.
Evolución da alerta
Segundo as previsións, para mañá está previsto que a alerta se rebaixe a nivel laranxa, o que significa que as temperaturas serán algo menos extremas. Aínda así, seguirá sendo necesario manter as precaucións, xa que o risco tanto para a saúde como para os incendios forestais continuará a ser elevado.
Desde o Concello de Cervantes pedímosche máxima prudencia e colaboración.
