Desde o Concello de Cervantes informamos que a estrada que conecta o Queirugal con Vilaxán, pasando pola igrexa de Mosteiro, permanecerá cortada ao tráfico ata novo aviso debido a un derrubamento que afecta á seguridade da vía.
Este desprendemento impide a circulación, por este motivo, e para evitar riscos para condutores e viandantes, cortamos o tránsito por este tramo de estrada de maneira preventiva e ata novo aviso.
Vías alternativas de acceso
Mentres dure o corte, os accesos a Vilaxán e á igrexa de Mosteiro deberán realizarse pola estrada que pasa por Bolois. Esta ruta atópase en boas condicións e permitirá manter a comunicación coa zona afectada durante o tempo que sexa necesario.
Agradecemos a comprensión da veciñanza e lembramos a importancia de non acceder á zona cortada, por seguridade.
Manterémosvos informados a través dos nosos medios habituais e, especialmente, a través da canle de WhatsApp do Concello, onde se comunicará calquera novidade ou reapertura da vía.
