O creador de contidos Fran Lorenzo estivo estes días visitando diferentes puntos do noso concello para gravar un capítulo da súa viaxe por Galicia en moto. Esta é unha serie que se difunde a través das redes sociais (especialmente en Youtube) e tamén na canle temática MotoAdv. O influencer vai amosando o percorrido que fai na súa moto e descubrindo paisaxes espectaculares, cultura, gastronomía e as historias das persoas que fan única esta terra.
Unha das súas últimas rodaxes, trouxo a Fran Lorenzo ata Cervantes, onde fimou o capítulo “Teitos de Ancares” no que participaron varios veciños e veciñas de Cervantes aos que foi entrevistando no percorrido que fixo por diferentes lugares do noso municipio. Incluso estivo traballando no noso coworking, podes ver o vídeo que compartimos coa súa experiencia no noso Facebook.
A continuación deixamos ligado o vídeo cun pequeno adianto do programa. O capítulo enteiro estará dispoñible nas próximas semanas.
