RUTA DE SETE CARBALLOS A PENA DO SANTO
Distancia Aproximada: 2 Km.
Duración: 30 min.
Dificultade: Moi Baixa.
Iremos en coche ata Sete Carballos. Para chegar temos que seguir a estrada que nos leva ata Degrada, a uns 11 km. vemos un lugar no cal atoparemos moitos piñeiros e un monolito en forma de cruz no alto dunha volta. Neste punto deixamos o coche e tomamos unha pista de terra á esquerda, pouco despois debemos coller un camiño que sobe pola dereita ata chegar a unha campa, desde alí subimos por unha senda ata a cima desde a cal, contemplaremos, ó fondo, os principais picos da Serra de Ancares como son Penalonga, Tres Bispos, Mustallar¿ e algúns pobos da zona como Robledo, Donís, Xantes¿ Volveremos polo mesmo camiño.