A gastronomía de Cervantes basease principalmente nos produtos naturais obtidos da agricultura, gandería e recursos naturais. A alimentación xira en torno ós produtos derivados do porco, tales coma o xamón, lacón, chourizos, botelos... que se caracterizan por ser caseiros e saborosos.
O caldo, os grelos, os cachelos, as empanadas, etc. constitúen un conxunto de pratos de suculento padal caracterizados por estar elaborados con produtos procedentes destas terras.
Outros produtos que se poden destacar son o mel dos Ancares, as castañas e as noces, que en distintas combinacións resultan deliciosos pratos totalmente naturais.
Así mesmo, as troitas dos numerosos regatos de augas claras e limpas e a caza maior e menor dos seus montes constitúen outro piar importante dentro da gastronomía da zona.