Patrimonio Cultural

Turismo

Patrimonio Cultural

A riqueza monumental de Cervantes é moi variada e abundante. Abarca numerosos exemplos de arquitectura popular como os hórreos, pombais ou as pallozas, restos arqueolóxicos como os castros, arquitectura civil e militar exemplificada nas fortalezas, castelos e pazos e, sobre todo, as numerosísimas capelas, como a de Pandelo, e igrexas que abundan no termo municipal e que incluso adquiren unha tipoloxía característica como igrexas de montaña. Destacan as seguintes:

Sto. Tomé de Cancelada que aínda conserva o seu sabor medieval;

Santiago de Cereixido con torre de tres corpos na fachada e bóveda de canón interior;

San Pedro de Cervantes tamén con bóvedas de pedra no interior;

San Alberte de Vilardemouros co típico cabildo na fachada;

San Fiz, tamén con cabildo na parte sur e bóveda de canón no presbiterio;

Nosa Sra. das Neves de Xantes-Donís;

Sta. María de Dorna;

San Pedro de Noceda

San Martín de Ribeira, en cuxo interior se conserva unha interesante pila bautismal do século. XVIII,

Un dos principais atractivos da arquitectura militar é o Castelo de Doiras chamado tamén de Puente de Doiras, Ferreira ou da ferraría, quizás pola súa proximidade á ferraría de Fonquente; está situado nunha posición estratéxica, un alto de difícil acceso. Esta fortaleza domina o río Cervantes e conserva os seus grosos e altos muros, erixidos polo conde de Grajal de Campos, señor de Cervantes. Foi restaurado polo seu actual propietario.

A Casa Torre de Donís tamén é un vestixio importante do pasado medieval da comarca, así como o caserío de Castelo de Frades en Cereixedo, a casa palacio de Pando. Tamén son de interese para visitar lugares como o Lugar de Mosteiro, Vilarello da Iglesia ou o poboado de Vilar.

Igrexas: Ambasvías, Cancelada, Castelo, Castro, Cereixedo, S. Pedro e San Román de Cervantes, Donís, Dorna, Mosteiro, Noceda, Pando, Quindous, Ribeira, Vilapum, Vilarello, Vilasante, Vilaver.

Capelas: de Airoa, Cabanas Antiguas, Cela, San Bernabeu de Folgoso, Prados, Trabado, San Alberte de Vilademouros, Castelo, Corneantes, Nosa Sra. de Donís, Xantes, Moreira, San Lourenzo de Piornedo, Robledo e Vilarello (Donís).

Pazos: Pazo castelo de Quindous, Casa Torre de Donís, Caserío de Castelo de Frades (Cereixedo), Poboado de Vilar, Lugar de Mosteiro, casa Palacio de Pando, Vilarello da Igrexa.

Imaxes

Ver máis imaxes

O Concello

Servizos Municipais

Turismo

Novas

Turismo

Patrimonio Cultural

Imaxes

Información sobre el documento